Газпром 21 мамырдан бастап Gasum компаниясы рубльмен төлем жасаудан бас тартуына байланысты Финляндияға газ айдауды тоқтататынын жеткізді, деп хабарлайды "Московский Комсомолец".
"Газпром экспорт" 2021 жылы Gasum компаниясына 1,49 миллиард текше метр газ тасымалдады, бұл көлем Финляндиядағы газ тұтынысының 2/3 бөлігін құрады.
Бұған дейін фин компаниясы ресейлік газды сатып алуда жаңа төлем жүйесіне өтуден бас тартып, "Газпромды" сотқа беретінін хабарлады. Поляктың PGNiG және Болгарияның "Булгаргаз" компаниялары да дәл осылай әрекет етті. Салдарынан "Газпром" Польша мен Болгарияға да газ тасымалдауды тоқтатты.
