Келісімге Өзбекстанның Әділет министрі Русланбек Давлетов пен Швейцария президенті Иньяцио Кассис қол қойды.
Келісімге қол қою Швейцария Гүлнара Каримова бастаған ұйымдасқан қылмыстық топтың бұрын заңсыз иемденіп, Швейцарияда заңдастырылған 131 миллион долларды Өзбекстан халқына дереу қайтарғанын білдіреді. Өзбекстанның Әділет министрлігі
Заңсыз алынған активтерді қайтарудың негізгі принциптері мыналар екені қоса айтылды:
ашықтық пен транспаренттілік, мүліклі қайтаруға қатысты ақпаратты халыққа ашық жариялау;
процеске азаматтық қоғамның қатысуы;
қайтарылған қаражатты әлеуметтік салаға, атап айтқанда білім беру мен денсаулық сақтауға пайдалану;
Өзбекстан мен Швейцария арасындағы реституция мәселелері бойынша тұрақты, жемісті диалогты қолдау.
Активтер БҰҰ-ның мақсатты қоры жүйесінде орналасқан «Uzbekistan Vision 2030» көп серіктестік мақсатты қоры арқылы қайтарылады.
Басқарушы комитет мақұлдаған жобаларды БҰҰ-ның Өзбекстандағы тиісті агенттіктері өзбек тарапымен бірлесіп іске асырады.
Мұндай жүйе сыбайлас жемқорлық пен басқа да тәуекелдерді барынша азайтуға, сондай-ақ қаражатты жұмсауда ашықтық пен есептілікті қамтамасыз етуге мүмкіндік бермек.