Жапония үкіметі Мияги, Ямагата және Ниигата префектураларының тұрғындарын КХДР баллистикалық зымыран ұшырған болуы мүмкін екенін ескертіп, жасырынатын орын іздеуге шақырды, деп жазды Reuters.
Елде автоматты ескерту жүйесі іске қосылды. Сигнал ұлттық теледидар, сондай-ақ телефондардағы қосымшалар арқылы беріледі.
Үш префектураның тұрғындарына жер асты тұрақ жайларын немесе қабырғасы мықты ғимараттарды паналауға кеңес берілді.
Кейін билік снаряд Жапония аумағынан өтіп, Тынық мұхитына түскенін хабарлады.