Ниигата префектурасында қолайсыз күн райынан екі адам қайтыс болды, деп мәлімдеді Хабар 24 арнасы. 80 жастағы ер адам қар күреп жүріп, өзенге құлап мерт болса, 27 жастағы әйел көлік ішінде жылынам деп газға уланып қалған.
Сонымен қатар қалың қардан жүздеген көлік жолда қалды. Жолдарды тазалауға өзін-өзі қорғау күштерінің сарбаздары жұмылдырылды.
Сондақ-ақ елде бірнеше бағыттағы пойыздар тоқтатылды. Бұған қоса 20 мыңға жуық шаруашылық жарықсыз қалды.
