AusOpen-2023 жартылай финалына барар жолда Новак Джокович ресейлік Андрей Рублевті үш ойында 6:1, 6:2, 6:4 есебімен еш қиындықсыз жеңді. Австралия чемпионаты серб үшін ерекше мәртебеге ие, ол мұнда 2018 жылдан бері жеңілген жоқ әрі Мельбурн корттарында өзінің оныншы жартылай финалын өткізетін болды. Бұрынғы барлық тоғыз жарыста да Новак чемпион атанды. Былтыр ол ковид ережелеріне байланысты жасыл құрлықтан депортацияланды.
AusOpen-2023 жартылай финалында серб спортшының қарсыласы америкалық Томми Пол болады. Карен Хачанов (Ресей) және Стефанос Циципас (Грекия) финалға тағы бір жолдама үшін таласады. Жартылай финал 27 қаңтарда өтеді.
