Зілзаладан жетім қалған түрік балаларына қазір психологиялық көмек көрсетіліп жатыр.
"Бұл балалар басқа елдерге асырап алуға жіберілмейді. Олар Түркиядағы туыстарының отбасына орналастырылады. Патронат тәрбиеде 1858 бала бар. Олардың 200-інің жеке басы мен құжаттары әлі анықталған жоқ".Уфук Экиджи
Түркияда 6 ақпан күні таңертең болған жер сілкінісі кейінгі мәліметтер бойынша 43,5 мыңнан астам адамның өмірін қиды. Апат аймағынан 448 мыңнан астам адам эвакуацияланды.
Полицейлердің мәліметінше, 564 адам жер сілкінісінен зардап шеккен аудандарда үй салу нормаларын бұзды деген күдікке ілінген. Күдіктілердің 160-ы қамауға алынды. Күдіктілердің кейбірі әлі іздеуде.
Үйінділер арасынан адамдарды іздеуге ҚР Төтенше жағдайлар министрлігінің құтқарушылары да шықты. Төтенше жағдайлар бірінші вице-министрі Ибрагим Күлшімбаев қазақстандық құтқарушылар жер сілкінісі болған аумақта тәулік бойы жұмыс істегенін айтты.
20 ақпанда Түркияның Сириямен шекарасында магнитудасы 6,4 болатын жаңа жерасты дүмпуі тіркелді.
