Равиль Мансурбаев ядроны 14,43 метрге лақтырып, бірінші орыннан көрінді. Ал қытайлық қарсыласы Уей Енлонг 14,28 м нәтижесімен екінші орынды иеленсе, 13,39 м нәтижесімен кувейттік спортшы Алсалах Абдуллах үшінші орынға тұрақтады.
Жарыста қазақстандық спортшылар осымен 3-медальді иеленді.
Бұдан бұрын, найза лақтырудан Руфат Хабибуллин алтын медальді жеңіп алса, ядро латқытрудан Дастан Мукашбеков Гран-придің күміс жүлдегері атанған еді.
Пара жеңіл атлетикадан әлемдік Гран-при сериясы Дубай қаласында 26 ақпан мен 1 наурыз аралығында өтті. Жарысқа әлемнің 61 мемлекетінен 545 спортшы қатысты.
