IRNA мемлекеттік ақпарат агенттігі Иранның ішкі істер министрлігінің мәлімдемесіне сілтеме жасай отырып, жүздеген оқушыны улады деген күдікпен бірнеше қалаларда, соның ішінде ел астанасы - Тегеранда 100 шақты адам "анықталып, қамауға алынып, олардан жауап алынып жатыр" деп хабарлады.
"Алғашқы тексеру бұл адамдар психологиялық ықпалға байланысты осындай қылмысқа барғанын көрсетті. Олар зиянсыз әрі сасық заттарды қолданған", делінген хабарламада.
Соңғы айларда Иранда қыздарға арналған мектептерде улау деректері тіркеле бастаған.
Иран саясаткерлері қыздар радикалды ислам топтардың нысанына айналуы мүмкін деп болжаса, тағы бір белсенділер оны Махса Әлидің өліміне байланысты өткен қыркүйекте басталған ұлттық наразылықтармен байланыстырады.
Айта кетсек, Иранда көптеген оқушы наразылық акцияларына белсенді қатыса отырып, мектепте хиджабтарын шешіп, жоғарғы көшбасшы аятолла Әли Хаменеидің суреттерін жыртып тастаған.