Астанада Джеймс Клеверли президент Қасым-Жомарт Тоқаевпен және премьер-министр Әлихан Смайыловпен кездеседі.
Сонымен қатар сапар аясында Астанада ІІ Элизавета атындағы сквердің ашылуы жоспарланған.
"17-18 наурызда Ұлыбритания және Солтүстік Ирландия құрама корольдігінің Сыртқы істер достастық және даму министрі Джеймс Клеверлидің Қазақстанға сапары өтеді. Астанада Джеймс Клеверли президент Қасым-Жомарт Тоқаевтың және премьер-министр Әлихан Смайыловтың қабылдауынад болады. Сонымен қатар Қазақстан сыртқы саяси ведомствонысынң басшылығымен келіссөздері ұйымдастырылады. Сапар аясында Астанада саябақтардың бірінде ІІ Элизавета атындағы сквердің ашылуы көзделген", - деді Сыртқы істер министрлігінің ресми өкілі Айбек Смадияров.
Сонымен бірге сапар барысында екіжақты ынтымақтастық мәселелері талқыланады.
"Біз Ұлыбританиямен саяси және сауда-экономикалық және инвестициялық, соның ішінде мәдени-гуманитарлық салада өте тығыз байланыстамыз. Біздің елден қаншама азамат сол жақта оқып жатыр. Барлық сұрақтарды талқылаймыз".Айбек Смадияров
