Франция президенті Эммануэль Макрон зейнетақы реформасы туралы заңға қол қойды, бұл құжат Ресми журналда жарияланды, деп хабарлайды Le Monde газеті.
14 сәуірде құжатты мақұлдағаннан кейін Конституциялық кеңес президент Эммануэль Макрон 48 сағат ішінде оған қол қояды деп мәлімдеді. Ресми журналда жарияланған құжатқа сәйкес, оған Президент қазірдің өзінде қол қойып үлгерген, деп жазады басылым.
"Осылайша, әлеуметтік қамсыздандыру кодексіне түзетулер енгізіліп, бірінші абзацтағы "алпыс екі" сөзі "алпыс төрт" деп жазылады", делінген заңда.
Макрон зейнетақы реформасын өз жұмысының басты басымдықтарының бірі деп атады.
Айта кетсек, кеше Францияның бірнеше қаласында зейнетақы реформасына қарсы 12-ші мәрте жалпыхалықтық көтеріліс өтті. Париждің өзінде 4 мыңға жуық адам наразылық ациясына қатысты. Одан бөлек шерулер Нант, Тулуза, Дижон, Страсбург, Марсель және Лион қалаларында да өтті. Реформаны қабылдау қарсаңында өткізілгендіктен бұл жолғысы аяусыз басып-жаншуға ұшырады.
