Болжамды есеп бойынша, жексенбі күні Прага көшелеріне 30 мыңға жуық адам шеруге шықты. Олар елдегі бағаның көтеріліп, әлеуметтік жағдайдың нашарлағанын айтып, үкіметтің отставкаға кетуін талап етті, деп жазды чехиялық Сeske noviny басылымы.
Адамдар плакаттар мен баннерлер, шар алып шықты. Прага тұрғындары Вацлав алаңына жиналды, екі сағаттық наразылықтан кейін шеру қала арқылы Чехия үкіметі орналасқан Страка академиясына бет алды.
Бұқаралық ақпарат құралдарының хабарлауынша, шеру кезінде демонстранттар Прага тас жолдарындағы көлік қозғалысына қиындық туғызып, бірнеше сағат бойы трамвай қозғалысын жауып тастағанына қарамастан, полиция демонстранттарға кедергі келтірмеді.
Наразалық шеруі кешке дейін болды. Соңында көбі тарап, жүздеген адам ғана қалды. Олардың кейбірі наразылық ретінде көшеде түнейтінін мәлімдеп, митингке палаткалары мен ұйықтайтын қаптарын ала шыққан.