Жексенбі күні Өзбекстан Конституциясының жаңа редакциясына қатысты өткен референдумға алдын ала мәлімет бойынша, жалпы сайлаушылардың 84,54 пайызы қатысты, деп жазады Gazeta.uz Өзбекстан Республикасы Орталық сайлау комиссиясы басшысы келтірген мәліметке сүйеніп.
Сайлауда 16 673 189 адам дауыс берді, бұл тіркелген сайлаушылардың жалпы санының (19 722 809) 84,4%-ына тең, бюллетеньдердің 0,49%-ы жарамсыз деп танылды.
30 сәуірде Өзбекстанда Конституцияға өзгерістер мен толықтырулар енгізу бойынша референдум өтті. Конституцияға ұсынылып отырған түзетулерде Негізгі заңның мәтіні 65%-ға жаңартылып, баптар саны 128-ден 155-ке дейін ұлғаяды. Негізгі өзгерістер: жерге жеке меншік құқығын бекіту, өлім жазасына тыйым салу және президент мерзімін ұзарту. Енді Өзбекстанда президенттің билік басында болу мерзімі 5 жылдан 7 жылға дейін ұзартылды.
