Салтанатты рәсімге шамамен екі сағат кетті. Оған корольдің отбасы мүшелері, Лордтар Палатасының мүшелері, 203 елдің өкілдері, оның ішінде ондаған мемлекет басшылары және қоғамдық және қайырымдылық ұйымдарының волонтерлары қатысты.
Король ІІІ Чарльз бен оның жұбайы Букингем сарайынан орталық қақпа арқылы Вестминстер аббаттығына қарай Diamond Jubilee пәуескесінде жылжыды. Оларды қоршаған 200-ге жуық әскери қызметкер жаяу жүріп отырды.
Патшаны ұлықтау рәсімінде салтанатты бұйымдар, оның ішінде держава, скипетр, қылыш, алтын жалатылған күміс қасық және екі тәж де бар: біреуі Британ империясының, екіншісі Қасиетті Эдуардтікі. Соңғысы 1661 жылы алтыннан жасалған және салмағы екі келіден асады. Алдымен ІІІ Чарльздың басына Қасиетті Эдуардтың тәжі киілді. Оны монархтар өмірінде бір рет қана киеді: тек таққа отыру рәсімі кезінде.
Осы сәтте бүкіл елде сырнайлар ойнап, отшашулар атылды. Одан кейін III Чарльз ресми түрде Солтүстік патшалықтың королі атанды.
Тура осы ІІІ Чарльздың сценариі бойынша шаралардан оның жұбайы Камила да өтеді.
III Чарльз Ұлыбританияның қырқыншы монархы болды.
