Ол АҚШ-тың банк жүйесі тым күрделене түскенін, сондықтан банктердің банкротқа ұшырауына еш таң қалмағанын айтты, деп жазады NBC News.
Миллиардер пандемияның басында, содан кейін соңғы алты айда банктер акцияларын сатқанын мойындады, өйткені банктер бетімен кетіп, нарықтағы ауытқуларға тез бой алдыратын болған.
"Америкалық қоғам өзінің банктік жүйесін түсінбейтін халге жетті, бұл ретте кейбір адамдар, Конгрестегі кейбір саясаткерлер менен артық нәрсені білмейді", — деді Баффет.
Баффетті банктік операциялардың тым оңай, жеңіл болып кеткені алаңдатады. Оның айтуынша, бұл қайғылы салдарларға әкеліп соғуы мүмкін.
26 сәуір АҚШ-та тағы бір ірі банктің акциясы құлдырап, құнсызданды.
2023 жылдың наурызында бірден бірнеше америкалық банктерде проблема пайда болды. Содан кейін америкалық криптовалюта нарығы үшін басты банктің бірі - Silvergate Bank, стартаптармен жұмыс істеуге маманданған Silicon Valley Bank және Нью-Йорктегі Signature bank банкротқа ұшырады.
