Қасым-Жомарт Тоқаев он жыл бұрын Астанада Си Цзиньпин мырза "Бір белдеу – бір жол" бастамасын ұсынғанын еске салды.
"Көлік-логистика инфрақұрылымын дамытуымыз қажет. Он жыл бұрын Астанада Си Цзиньпин мырза "Бір белдеу – бір жол" бастамасын ұсынған еді. Содан бері осы ауқымды жобаның тиімділігіне және қажет екеніне бүкіл әлем көз жеткізді. Бұл мегажоба Ұлы Жібек жолын жаңғырту ісіне ықпал етті. Сондай-ақ, көптеген елде заманауи көлік инфрақұрылымын салу жұмысын жандандырды. Қазақстан – Қытайдың жақын көршісі әрі сенімді серіктесі. Сондықтан, «Бір белдеу – бір жол» жобасына атсалыса береді". Президент
Осы орайда ол Қазақ-қытай шекарасында үшінші темір жол өткелін ашу маңызды қадам болмақ екенін қоса кетті.
Еске сала кетейік, қазір Қазақстан президенті Қытайда мемлекеттік сапарда. Ол бірінші «Орталық Азия – Қытай» саммитіне қатысып жатыр.
