Hindustan Times-тың хабарлауынша, темір жол бойындағы апат жергілікті уақыт бойынша сағат 19:20 шамасында (Астана уақыты бойынша 19:50) Баханага Базар станциясы маңында, яғни Калькутта маңындағы Шалимар станциясынан Ченнайға аттанған жолда болған. Басылым кем дегенде 30 адамның қаза тапқанын жазады.
Апат орнына бірнеше апаттық-құтқару пойыздары, 50 жедел жәрдем көлігі және бірнеше өрт сөндіру техникасы жіберілді. Баласордағы медициналық колледжге зардап шеккендердің 47-сі жеткізілді, деп жазады ANI агенттігі. Барлығы 179 адам зардап шекті, деп нақтылайды India Today.
