Associated Press агенттігінің мәліметінше, Тайвань маңында 100-ден астам әскери ұшақтың демонстрациялық ұшуы Қытайдың тамыз айының соңында арал маңында өткізген ең ірі әскери жаттығуларынан кейін болды. Қытай соңғы айларда Тайваньға қатысты әскери қуатын арттырып жатыр, бұл аралды қару-жарақпен қамтамасыз ететін Қытай мен Америка Құрама Штаттары арасындағы елеулі шиеленістерге әкелді.
Тайвань билігі ҚХР әрекетін озбырлық деп атады. Тайвань қорғаныс министрлігінің мәліметі бойынша, қытайлық ұшақтардың 40-ы аралдан материкке дейінгі жарты қашықтықты белгілейтін символдық шекараны кесіп өтті, сонымен қатар Тайвань маңындағы суларда Қытайдың тоғыз әскери кемесі көзге түскен.
"Біз Бейжің билігін жауапкершілік танытып, мұндай жойқын әскери әрекеттерді дереу тоқтатуға шақырамыз", – делінген Тайвань қорғаныс министрлігінің мәлімдемесінде.
Тайвань аралды басқарған Гоминьдан партиясы азаматтық соғыста коммунистерден жеңілген 1949 жылдан бері өзін тәуелсіз мемлекет деп санайды. ҚХР Тайваньды Қытайдың ажырамас бөлігі ретінде қарастырады. Қазақстан Тайваньның тәуелсіздігін мойындамайды.
