Мәскеу қаласы прокуратурасының Telegram каналының 3 мамырдағы мәліметтері бойынша, жануарлар ұзақ уақыт бойы тамақтандырылмаған. Аштықтан олар жеуге жарамсыз заттармен, соның ішінде резеңке қалдықтарымен қоректенген. Нашар күтімнің салдарынан жануарлар арасында пневмония тараған.
Сурет: Telegram / Мәскеу Прокуратурасы
"Сондай – ақ, тиісті ветеринарлық бақылау жүргізілмеген, нәтижесінде олардың арасында әртүрлі аурулар, соның ішінде дененің қатты сарқылуы мен пневмония тараған", - делінген хабарламада.
Лейлек пен маймыл өлгеннен кейін полиэтилен пакеттерге оралып, бақ аумағына тасталған. Өлекселерді кейінірек тексерушілер тапқан. Жануарларға қатыгездік жасау фактісі бойынша қылмыстық іс қозғалды.
Сурет: Telegram / Мәскеу Прокуратурасы
Хайуанаттар бағы 2018 жылы ашылған. Мекемеге кіру билеттері жұмыс күндері 600 рубль, ал демалыс күндері бір мың рубль тұрады.
Айта кетейік, өткен айда Қарағанды хайуанаттар бағы тағы бір тіршілік иесімен толықты. 12 жасар Маша мен 13 жасар Тимошаның қоңыр қонжығы дүниеге келді.