Бұл туралы Арменияның бірқатар БАҚ-тары Армения сыртқы істер министрлігінің баспасөз хатшысы Аня Бадалянның сөзіне сілтеме жасап хабарлайды.
"Армения ҰҚШҰ Ұжымдық қауіпсіздік кеңесінің 2023 жылғы 23 қарашадағы "ҰҚШҰ-ның 2024 жылға арналған бюджеті туралы" шешіміне қосылудан бас тартады, Армения осы шешімнің қабылдануына қарсы емес, ұйымның қызметін қаржыландыруға қатыспайды", - деген Бадалянның сөзін news.am хабарлайды.
Ұжымдық қауіпсіздік шарты ұйымына Армения, Беларусь, Қазақстан, Қырғызстан, Тәжікстан және Ресей кіреді.
Ақпан айында Армения Республикасының премьер-министрі Никол Пашинян Ереванның ҰҚШҰ-ға қатысуын тоқтатқанын айтты. Ол "Арменияға қатысты Ұжымдық қауіпсіздік шарты орындалмағанын" атап өтті.
