Шараға мыңнан астам адам қатысқан. Газада 101 израильдік кепілде отыр. "Хамас" оларды қазанның 7-де Израиль аумағын шабуылдағанда тұтқынға түсірген.
Израиль билігі кепілдегі азаматтарын қайтаруға және қарулы топты жоюға уәде берді. "Хамас" пен Израиль арасында атысты тоқтатуға қатысты келіссөз тығырыққа тірелген. Бұл үшін тараптар бірін-бірі айыптап отыр, деп жазады qazaqstan.tv.
Палестиналық қарулы топ бітімді қалайтынын мәлімдеді. Олардың сөзінше, бұған Израиль икемсіздік танытып отыр. Соңғы мәліметтерге сай, Израильдің шабуылынан қаза тапқан палестиналықтардың саны 44 300-ге жуықтаған.