Полиция агрессивті наразылық танытушыларға қарсы су атқышты қолданған.
"Қалың адамның бір бөлігі құқық қорғау органдарымен бетпе-бет келіп, оларды сөзбен қорлап, көшедегі шамдар мен басқа жабдықтарды бүлдірді, сонымен қатар электр сымдарын өртеді. Полицейлерге қолына тиген заттарды лақтырған, бір полиция қызметкері зардап шекті", делінген ІІМ хабарламасында.
Оппозиция наразылығы бейсенбіде премьер-министр Ираклий Кобахидзе Грузияның ЕО-ға мүшелігі туралы келіссөздерді 2028 жылға дейін тоқтату туралы қабылдаған шешімінен кейін басталды. Жұмада түнде арнайы күштер митингіге қатысушыларды су атқыштар қолдану арқылы таратуға тырысты. Грузия ІІМ мәліметтері бойынша, жұмада Тбилисидегі митингке қатысушылар стратегиялық нысандарды, соның ішінде теміржол вокзалдары мен орталық магистраль жолдарды жабуды жоспарлаған.
27 қарашада "Грузин арманы" партиясы президенттікке экс-футболшы Михаил Кавелашвилидің кандидатурасын ұсынды.