Оның бірі небәрі 21 жастағы студент Сю Цзяцзинь. 2024 жылдың 16 қарашасында ол Цзянсу провинциясының Исин қаласындағы Уси өнер және технологиялар кәсіптік колледжінде суық қарумен шабуыл ұйымдастырады. Сегіз адам қаза тауып, 25 адам жарақат алды. Полицияның мәліметінше, қылмыскер 2024 жылы колледж түлегі болған және емтихандарын сәтсіз аяқтаған. Ол колледжді бітіргені туралы диплом алмағанына ашуланып шабуыл жасағанын мойындады және практика үшін ақы төлеуге наразылық білдірген.
Екінші өлім жазасына кесілген – Фан есімді 62 жастағы ер адам. 2024 жылдың 11 қарашасында ол Жухай қаласында жол талғамайтын көлікті басқарып, "Жухай стадионы" спорт орталығындағы жүгіру жолында жаяу жүргіншілерді қағып кеткен. Нәтижесінде, 35 адам қаза тауып, 43 адам жарақат алды. Куәгерлердің айтуынша, ол адамдарға жүгіру жолағы бойымен шабуыл жасаған.
Қытайдың Орталық теледидарының ақпаратынша, екеуі де 2024 жылдың желтоқсанында өлім жазасына кесілген.
Бұған дейін кепілден босатылған Израиль азаматтарының жақындарымен қауышқандығы хабарланған болатын.