2025 жылдың 8 ақпанында The New York Post басылымы АҚШ президенті Ресей Федерациясының президентімен Украинадағы қақтығысты реттеу мәселесін телефон арқылы талқылағанын айтты деп жазды.
"Бұл ретте не айтуға болады: Вашингтондағы әкімшілік өз жұмысына кіріскендіктен көптеген түрлі коммуникациялар туындайды. Әрі бұл коммуникациялар әртүрлі арналар арқылы жүргізілуде. Әрине, осы коммуникациялардың көптігіне байланысты бұл жайынан хабарсыз қалуым мүмкін, яғни бір нәрседен хабардар болмауым мүмкін. Сондықтан, бұл жағдайда мен мұны растай да, жоққа шығара да алмаймын", – деді Дмитрий Песков 9 ақпанда ТАСС-тың америкалық көшбасшы инаугурациясынан кейін Путин мен Трамп телефон арқылы сөйлесті ме деген сұрағына жауап бере отырып.
Бүгін өткен брифинг барысында Кремль өкіліне "Путинмен Трамп сөйлесті ме" деп тағы да сұрақ қойылды.
"Мен кеше бұл туралы айттым емес пе? Одан басқа ештеңе айта алмаймын. Мен мұны растай да, жоққа шығара да алмаймын", – деп жауап берді Дмитрий Песков 10 ақпанда журналистер алдында.
2025 жылдың 22 қаңтарында Дональд Трамп Владимир Путинге Украинадағы әскери қақтығысты аяқтауға шақырған болатын.
