The Sun басылымының мәліметінше, әуе кемесі осы уақыт бойы Калькутта әуежайында тұрғанымен, тасымалдаушының ресми мұрағаттарынан жоғалып кеткен.
Жағдай әуежай әкімшілігі компанияға ұшақтың ұзақ уақыт тұрғаны үшін есепшот жібергеннен кейін ғана белгілі болды. Барлық кезең үшін салынған айыппұлдың жалпы сомасы 114 мың АҚШ долларын құраған.
Алғашында компания өкілдері бұл ұшақтың өздеріне тиесілі екенін жоққа шығарған. Алайда ішкі тексеру нәтижесінде салмағы 30 тонна болатын лайнердің шынымен де бұрын Air India компаниясының жоғалып кеткен ұшағы екені расталды.
Бұған дейін Мексикада депутат әйелдер кеңес отырысында төбелесіп қалғанын жазғанбыз.