Business Insider мәліметінше, бонустың мөлшері бірнеше көрсеткішке байланысты болады. Атап айтқанда:
- Meta-премия – 300%: егер қызметкер команда кірісін арттырып немесе жаңа пайдаланушыларды тартуға айтарлықтай үлес қосса;
- Үздік нәтиже – 200%: жұмыс процестерін жақсартып, уақытты үнемдеп, жобаны елеулі деңгейде ілгерілеткен жағдайда;
- Жақсы нәтиже – 115%: өз жұмысын тұрақты түрде сапалы әрі талапқа сай орындаса;
- Күтілімге сай емес – 0–50%: мерзімдерді жиі өткізіп алса немесе жұмысты сапасыз атқарса.
"Бұл өзгерістердің басты мақсаты – ең жоғары нәтижеге қол жеткізген қызметкерлерді көбірек марапаттау және командалардың жалпы тиімділігін арттыру", – деп атап өтті Meta өкілдері.
Осылайша, Checkpoint деп аталатын жаңа бағалау жүйесі бұрынғы жыл сайынғы бағалау форматын алмастырады. Енді қызметкерлердің жұмыс нәтижелері жиі әрі жүйелі түрде талданып, төмендегі көрсеткіштерге ерекше мән беріледі:
- өнімдерге қосқан нақты үлес;
- бизнес көрсеткіштер;
- компанияның стратегиялық басымдықтары.
Meta басшылығының пікірінше, жиі әрі ашық кері байланыс қызметкерлер арасынан көшбасшыларды да, сондай-ақ қойылған талаптарға сай келмейтіндерді де дер кезінде анықтауға мүмкіндік береді.
Бұған дейін АҚШ 75 елдің азаматтарына виза беруді тоқтатқанын жазғанбыз.