Fox News мәліметінше, 38 жастағы Кендра Эни патрульдік көліктің артқы жартылай ашық терезесі арқылы сыртқа шығып кеткен.
Кездейсоқ куәгер әйелдің кісенде бола тұра терезеден еңкейіп, сыртқа шығып, көліктен асып түсіп, белгісіз бағытқа қашып кеткенін видеоға түсіріп алған.
"Мен оларға ештеңе айтпаймын. Мүлдем", – дейді видео түсірген ер адам.
Видеода сондай-ақ полицейлердің көлікті тексеріп жүргені, кейін ғана ұсталған адамның жоқ екенін байқағаны көрінеді.
Айта кетейік, әйел бастапқыда шартты түрде мерзімінен бұрын босату талаптарын бұзғаны үшін ұсталған.
Бұған дейін Үндістанда өзін "құдаймын" деп таныстырған ер адамға қатысты ірі жанжал шыққанын жазғанбыз.