Құзырлы ведомство мәліметінше, табиғи сипаттағы төтенше жағдайдың салдарын жою жөнінде шаралар қабылдау үшін мемлекеттік материалдық резервтен 51 бірлік арнайы және автомобиль техникасы, тіршілікті қамтамасыз ету құралдары, 15 400 адамға арналған төсек-орын жабдықтары, 4 000 адамға арналған шатырлар броньнан шығарылды
"Материалдық құндылықтар Мемлекеттік материалдық резервтер комитетінің "Резерв" РМК филиалдарынан шығарылды және Ақмола, Қостанай, БҚО және СҚО әкімдіктері мен ТЖД-ға берілді", делінген хабарламада.
Айта кетсек, 6 сәуірде Мемлекет басшысы Қасым-Жомарт Тоқаев Қазақстан халқына жасаған үндеуінде табиғи апаттан зардап шеккендерге көмектесу үшін Үкіметке мемлекеттік резервті пайдалануды тапсырғанын айтты.