Ақтөбелік Нұршат Жұбаныш Ахмет Байтұрсыновтың "40 мысал" жинағына жаңа дем берді. Әзірге бұл комиксте жазушының тек жеті шығармасы бар. Ал болашақта оқушы қырық мысалдың барлығын комикске көшіруді жоспарлап отыр, деп хабарлайды Астана телеарнасы.
Биыл Ахмет Байтұрсыновтың 150 жылдығы. Сондықтан біз оның мысалдарын интерплитациялау арқылы қазақ әдебиетін өзіміз секілді жасөспірімдердің арасында дамытып, оқуға ынтасын туғызғымыз келді. Сонымен қатар қазір комикстер - өте жақсы дамып келе жатқан кітап түрі. Жасөспірімдер көп оқиды. 10-сынып оқушысы Нұршат Жұбаныш
Комикс арқылы кітап оқуға қызығушылық туғызу керек деген ойды Нұршат жетекшісіне айтқан. Расымен де, жастар кітап түріндегі және электронды нұсқадағы комикстерді ерекше ықыласпен қабылдады.
Қазіргі жастардың ерекшелігі көп көлемді жазулы кітаптарды оқуға қызықпайды. Себебі бұл - замана ерекшелігі олардың зейіні тұрақсыздау. Тез жалығып кетеді. Сондықтан сурет, комикс арқылы қызықтыру өзекті деп ойлаймын. Қазақ тілі және әдебиет пәнінің мұғалімі Рабиға Толғанақова