Ақылы негізде оқитын студенттердің бірінің айтуынша, "қар ерігенде немесе жаңбыр жауғанда ғимарат төбесінен су тамшылап тұрады". Осыған байланысты бүкіл залға шелек қоюға тура келеді. Видео ZTB.KZ Telegram-арнасында жарияланған.
Тағы бір студент ғимаратта тарақандардың жорғалап жүретінін айтты. Тарақан әсіресе дәретханада көп. Сонымен қатар ол "дәретхана лас, қағаз, сабын жоқ" деп қосты.
ҚазҰУ баспасөз қызметі жарияланған видеоға қатысты түсініктеме берді.
"Әлеуметтік желіде жарияланған видеолар мен фотолар былтыр жөндеу жұмысы кезінде, төбе мен қабырғаларды жөндеген кезде түсірілген", - дейді университет өкілдері.
Университет оқу корпустарының барлық ғимаратына жыл сайын жөндеу жүргізілетіні айтылды. Сонымен қатар ҚАЗҰӨУ күрделі жөндеуге өтініш берген.
"Бұл ретте білім ошағында айына екі рет дезинфекция және дезинсекция жүргізіледі. Ол үшін сервис компаниясымен келісімшарт жасалды. Ал гигиеналық құралдарға қатысты мәселе шешілді".ҚАЗҰӨУ баспасөз қызметі
Қазір тазалық қызметін жақсарту үшін тендер өткізіліп жатыр деп қорытындылады университет.
2023 жылдың 6 қаңтарында ҚР Ғылым және жоғары білім вице-министрі Қуаныш Ерғалиев университеттегі білім бағасының көтерілетінін жоққа шығармайтынын айтты.