Нариман Әбілшайықов бүгінде 21 мыңнан астам шағын кәсіпкерлік субъектілері немесе төлеушілердің жалпы санының 74 пайызы міндетті мүшелік жарналарды төлеушілер екенін айтты. Бұл ретте жарналардан түскен қаражат 1,2 млрд теңгені немесе жалпы кірістің 17%-дан азын құрайды.
Трансформация жөніндегі жұмыс тобы шағын бизнесті мүшелік жарна төлеуден босатуды ұсынды. Босату туралы шешімді съезд қолдаса, салымшылар саны 29 мыңнан 7 мыңға, яғни 4 есеге қысқарады. Бұл шағын бизнеске үлкен қолдау болмақ. 1,2 миллиард теңге кірістің орнын палатаның шығыстарын оңтайландыру арқылы өтеуді ұсынып отырмыз. «Атамекен» ҰКП Басқарма төрағасының бірінші орынбасары Нариман Әбілшайықов
«Ұлттық кәсіпкерлер палатасы туралы» заңның 29-бабына тоқталған спикер мүшелік жарналар съезд отырысында бекітілетінін айтты.
Шағын кәсіпкерлік субъектілерін Ұлттық палатаға міндетті мүшелік жарнадан босату туралы шешім қабылдауды ұсынып отырмыз. Алдағы уақытта «Ұлттық кәсіпкерлер палатасы туралы» заңға тиісті норманы енгізу. Қолдауыңызды өтінемін. Нариман Әбілшайықов
Нәтижесінде оның ұсынысы съезд делегаттарының көпшілік дауысымен қолдау тапты.
