Ұлттық банк «Қазақстан қор биржасы» АҚ-мен бірлесіп теңге-АҚШ доллары валюта жұбының сауда-саттық ережелерін өзгерту туралы шешім қабылдады. Атап айтқанда, 28 ақпанда сауда Франкфурт аукцион форматында Нұр-Сұлтан уақыты бойынша сағат 15:00-де ашылады. Қазақстан Республикасы Ұлттық банкінің баспасөз қызметі
Бірлескен мәлімдемеде айтылғандай, «бұл шаралар белгісіздіктің жоғары дәрежесін және валюта нарығына және ел ішіндегі қаржылық тұрақтылыққа сыртқы геосаяси факторлардың қысымын барынша азайту қажеттілігін көрсететін уақытша іс болып табылады».
Сонымен қатар, қазіргі уақытта сыртқы қаржы нарықтарындағы белгісіз жағдайлардың өзгеруіне байланысты Ұлттық Банк «Қазақстан қор биржасы» АҚ-мен бірлесіп 28 ақпанда Нұр-Сұлтан уақыты бойынша сағат 15:00-ге дейін биржалық валюта саудасын толық тоқтатты. Қазақстан Республикасы Ұлттық банкінің баспасөз қызметі
Теңге – АҚШ доллары валюта жұбы бойынша алдағы сауда режимі туралы ақпарат ресми байланыс арналары арқылы уақтылы жеткізілетін болады.