2023 жылдың 1 қаңтарындағы дерекке сәйкес, Қазақстанда 208 ойын-сауық және демалыс саябағы жұмыс істейді. Оның 32,7%-ы - мемлекеттік меншікте, қалғаны - жекеменшік. Ойын-сауық саябақтарының 19,2%-ауылдық жерлерде орналасқан, делінген ҚР Ұлттық статистика бюросының хабарламасында.
Демалыс және ойын-сауық саябақтарының ең көбісі Түркістан облысында кездеседі: 27 саябақ. Астана қаласында - 22 саябақ, сондай-ақ Алматыда - 20. Жетісу облысында ең азы – 1 саябақ.
Ойын-сауық және демалыс саябақтарының жалпы ауданы 184,6 мың гектарды құрайды. Онда барлығы 3 848 ойын-сауық нысаны бар, оның 1465 - аттракциондар, 1642 - ойын автоматтары, 741-басқа түрлері.
2022 жылы демалыс орындарына 14,2 млн адам барған.