Мемлекет басшысы сауда саласындағы ынтымақтастықты дамытудың мән-маңызына тоқталды.
"Әлемнің негізгі экономикалық полюстері арасындағы тарифтік қақтығыстар барлық ел үшін ауыр зардаптар алып келеді. Мұндай жағдайда бізге қолданыстағы сауда-экономикалық байланыстарды сақтап қана қоймай, оларды нығайтуға күш салған өте маңызды", – деді ол.
Оның айтуынша, бірлескен жобаларды іске қосуға, тауарлар желісін, ең алдымен, қосымша құн салығы жоғары шикізаттық емес өнімдер есебінен кеңейтуге ерекше назар аудару қажет.
"Қазақстан Италияға шамамен 1 млрд доллардың 100-ден астам тауар позициясы бойынша экспорт көлемін ұлғайтуға қабілетті. Орталық Азия елдері өздерінің агроөнеркәсіптік өнімдерін, оның ішінде органикалық өнімдерін Еуропаға жеткізуді арттыру үшін үлкен әлеуетке ие. Біз ет өнімдерінің, аквамәдениеттердің, құрғақ сүттің және басқа да азық-түлік тауарларының экспортына арқы сүйейміз. Сондай-ақ Қазақстан да Италия нарығына бидай мен ұн экспортын ұлғайтуға дайын", - деді президент.
Жалпылай алғанда, оның айтуынша, Орталық Азия елдері аграрлық ғылыми-білім беру орталықтарының тығыз ынтымақтастығына, бірінші кезекте биоинженерия, тұрақты егіншілік, мал шаруашылығы салаларындағы озық тәжірибелер мен технологиялар трансферіне мүдделі.
Бұған дейін Қасым-Жомарт Тоқаев Алматыда итальяндық сауда үйін ашуды ұсынған болатын.