Нұр-Сұлтан уақытымен сағат 10:38-дегі жағдай бойынша, Brent маркалы мұнайдың қазан айындағы фьючерстерінің бағасы барреліне 95,43 долларға дейін, WTI маркалы мұнайдың қазандағы фьючерстері 1,38% арзандап, 89,19 доллар болды, деп хабарлайды 1prime.ru.
Мұнай бағамы өткен аптада жалпы алғанда шамамен 1,4% төмендегеннен кейін жұмыс аптасын қызыл түспен бастап жатыр. Бір жағынан, бағалар доллардың нығаюымен шектеліп отыр: доллар индексі (АҚШ сауда серіктестері алты елдің валюталар қоржынына қатысты айырбас бағамы) өткен аптада 2,4% нығайып, 108 тармақтан жоғары көтерілді. Қымбатырақ доллар тауарларды басқа валютада сатып алу мүмкіндігін азайтады.
Екінші жағынан, саудагерлер арасында экономикалық болжамға қатысты алаңдаушылық сақталады. Әлемдік орталық банктер құлдырау қаупін арттыратын бағаның өсуін тежеу үшін негізгі мөлшерлемелерді арттыруға бейім.
Иран есебінен жеткізілімдердің ұлғаю перспективалары да мұнай құнына кері әсерін тигіз3п жатыр. Сонымен демалыс күндері АҚШ президенті Джо Байден мен бірқатар еуропалық көшбасшылар Иранмен ядролық келісім бойынша келіссөздерді талқылады.
