Бұл жәрдемақыға 4 немесе одан да көп баласы бар отбасылар сүйене алады. Ол үшін ата-анасымен бірге тұратын 18 жасқа толмаған балалар болуы керек. Немесе күндізгі бөлімде оқитын 23 жасқа дейінгі студенттер болуы мүмкін.
Төлемдердің мөлшері балалардың санына байланысты сараланады:
- 4 балаға – 16,03 АЕК немесе 55 304 теңге;
- 5 балаға – 20,04 АЕК немесе 69 138 теңге;
- 6 балаға – 24,05 АЕК немесе 82 973 теңге;
- 7 балаға – 28,06 АЕК немесе 96 807 теңге;
- 8 және одан да көп балаға – әр балаға 4 АЕК немесе 13800 теңге.
Қазақстанда 2020 жылдың 1 қаңтарынан бастап көпбалалы отбасыларға олардың табысын есепке алмағандағы мемлекеттік жәрдемақы енгізілді.
2023 жылдың 1 қаңтарынан бастап балалы отбасыларға берілетін барлық мемлекеттік әлеуметтік жәрдемақы 8,5% өсті.