Сауда қорытындысы бойынша доллардың орташа сараланған бағамы тағы 2,16 теңгеге төмендеп, 467,48 теңгені құрады.
Ресей рублінің бағамы 0,08 теңгеге арзандап, 5,74 теңгеге дейін түсті.
Күндізгі саудада Қытай юанінің бағамы 0,49 теңгеге төмендеп, 69,23 теңгені құрады.
Ақша айырбастау орындарында доллар 467,8–470 теңгеден, еуро 538,5–543,7 теңгеден, рубль 5,53–5,66 теңгеден сатып алынып, сатылып жатыр.
6 тамыздағы саудада мұнайдың әлемдік бағасы да төмендеп жатыр.
Лондондағы ICE (InterContinental Exchange) биржасында Brent маркалы мұнайдың бағасы 0,34 долларға арзандап, барреліне 79,11 долларды құрады.
Нью-Йорктегі NYMEX (New York Mercantile Exchange) биржасында Light маркалы мұнайдың бір баррелі 0,45 долларға арзандап, 74,77 долларға дейін түсті.
Таңертең Ұлттық банк доллардың ресми бағамын 469,85 теңге, еуроны 542,16 теңге, рубльді 5,78 теңге деңгейінде белгіледі.
6 тамызда күннің бірінші жартысында Қазақстандағы ақша айырбастау орындарында шетел валютасы қандай бағамен сатып алынып, сатылғанын мына жерден көруге болады.