Сауда қорытындысы бойынша доллардың орташа сараланған бағамы 0,46 теңгеге төмендеп, 456,88 теңгені құрады. Бір күн бұрын АҚШ валютасы бірден 3,82 теңгеге арзандаған еді.
Ресей рублінің бағамы 0,05 теңгеге көтеріліп, 5,52 теңгені құрады.
Қытай юанінің күндізгі саудадағы бағамы 0,37 теңгеге төмендеп, 67,89 теңге болды.
Ақша айырбастау орындарында доллар 458,01-464,31 теңгеден, еуро 531,91-537,23 теңгеден, рубль 5,31-5,45 теңгеден сатып алынып, сатылып жатыр.
Халықаралық саудада мұнайдың негізгі маркалары арзандай бастады.
2026 жылғы 21 тамыздағы күндізгі сауда-саттықта Brent маркалы мұнайдың бағасы 0,27%-ға төмендеп, барреліне 93,63 долларды құрады. WTI мұнайы 0,17%-ға арзандап, барреліне 86,67 доллардан саудаланып жатыр.
Таңертең Ұлттық банк доллардың ресми бағамын 458,23 теңге, еуроны 535,99 теңге, рубльді 5,46 теңге деңгейінде белгіледі.
21 тамызда күннің бірінші жартысында Қазақстандағы ақша айырбастау орындарында шетел валютасы қандай бағамен сатып алынып, сатылғанын осы жерден білуге болады.