30 қарашада Ақтөбе облысының қылмыстық істер жөніндегі мамандандырылған ауданаралық соты кәмелетке толмаған баланы зорлады деп айыпталған облыстық мәслихаттың экс-депутаты Аркадий Ниге қатысты үкім шығарды, деп хабарлайды Zakon.kz.
Іс құжаттарынан белгілі болғандай, жәбірленушінің анасы ірі бизнесмен, депутатпен танысып қосымша ақша табу үшін, оны аса ауыр қылмыс жасады деп айыптаған.
Сот талқылауы барысында сотталушы С. (қыздың анасы) ақша алу мақсатында қызына Н.-ны полицияға қалай жауап беру керектігін және жалған айғақтар беруді үйреткен. Кәмелетке толмаған бала сотта анасының айғақтарын растады. Ол Н. зорлау және жыныстық әрекеттер жасамағанын түсіндірді. Жүргізілген сот сараптамаларының қорытындылары бойынша жыныстық қылмыстарға тән ешқандай объективті деректер анықталған жоқ. Ақтөбе облысының қылмыстық істер жөніндегі мамандандырылған ауданаралық соты
Сот шешімімен күдікті мен онымен ымыраласқан әйел ақталды.
Ал қыздың анасы кәмелетке толмағанды ауыр қылмыс жасауға мәжбүрлеу (ҚК 132-бабы 4-бөлігі) және жалған куә бергені үшін (ҚК 419-бабы 3-бөлігі) кінәлі деп танылды. Сот 6 жылға бас бостандығынан айыру жазасын тағайындады. Кішкентай балаларының болуына байланысты сот жазаны орындауды бес жылға кейінге қалдырды.