Сауд Арабиясы 1 қаңтардан бастап Ресейдің «Sputnik V» вакцинасының 2 дозасын салдырған азаматтарға елге кіруге рұқсат берді, деп хабарлайды Zakon.kz.
Бұл Мекке мен Мединаға қажылыққа баруға мүмкіндік береді.
Жергілікті Денсаулық сақтау министрлігінің хабарлауынша, Сауд Арабиясына кіру үшін туристер екпенің екі дозасын да салдыруы тиіс. Сондай-ақ 2 тәулік карантинде болып, ПТР-сынамасы теріс нәтиже көрсетуі міндеттеледі.
Бұған дейін әлемнің 101 мемлекетінің билігі «Sputnik V» препаратын қабылдаған шетелдіктерге елге кіруге рұқсат берген еді.