19 қаңтарда Алматы қаласында сағат 16: 15-тен бастап қар жауа бастады. 21:00-де қаланың жоғарғы бөлігінде жауған қардың қалыңдығы алты-сегіз сантиметрді құрады. Көктайғақтың алдын алу мақсатында қар түсе бастағаннан бастап жолдарға арнайы материалдар себілді. Оның 1100 тоннасы пайдаланылды. Алматы өңірлік коммунальдық қызметі
Таулы және тау бөктеріндегі аймақтарда, сондай-ақ негізгі магистралды көшелерде қар тазалау жұмыстары жүргізілетіні нақтыланады. Тротуарлар, жаяу жүргіншілер жолы, қоғамдық көлік аялдамалары, жалпы қоғамдық ашық орындарға қатысты тазалық жұмыстары ұйымдастырылды.
Қала бойынша түнде 535 арнайы техника, оның ішінде 208 құм шашатын көлік жұмыс істейді. Одан бөлек 338 жұмысшы жұмылдырылды.
"Қазгидрометтің" болжамына сәйкес, қар аралас жауын-шашын 20 қаңтарда түстен кейін дамылдайды деп күтіледі.
20 қаңтарда ауа температурасы түнде 0, -2 градус, күндіз +1, +3 градус болады.
