2022 жылдың 1 ақпанынан бастап «Қазпошта» АҚ өндірістік қызметкерлерінің 93,5%-ының жалақысы көтеріледі.
Жалғыз акционер – «Самұрық-Қазына» АҚ қолдауымен Қоғам басшылығы 2022 жылдың 1 ақпанынан бастап компанияның өндірістік персоналының – шамамен 14 мың адам немесе Қоғамның жалпы штат санының 93,5%-ының жалақысын көтеру туралы шешім қабылдады.
«Қазпошта» АҚ-да жалақыны индекстеу мәселесі өзекті болды, өйткені соңғы рет жалақы 2020 жылдың мамыр айында 10%-ға өсті және содан бері өзгеріссіз қалды.
Сонымен қатар, «Қазпошта» АҚ өндірістік, қаржылық және басқа да қызметті тиімді басқару үшін әкімшілік шығындарды оңтайландырып, басқару құрылымын қайта қарайтын болады.