Jas Otan-ның нақты жұмыс істеу мүмкіндігі зор. Партияның жастар қанатының республика бойынша 100 мыңнан астам мүшесі бар. Алайда бұл қомақты ресурстар дұрыс пайдаланылмай отыр.Мемлекет басшысы Қасым-Жомарт Тоқаев
Президент Съезде жасаған баяндамасында қалалардағы әлеуметтік жағдайы төмен жастармен нақты жұмыс жүргізу қажеттігіне тоқталды. Сондай-ақ ол Jas Otan-ға пайдалы қоғамдық жұмыстармен айналысуға дайын, жастардың сеніміне ие болған көшбасшыларды қабылдау қажеттігін айтты.
Сонымен қатар мемлекет басшысы жастардың басым бөлігі елде іске асырылып жатқан маңызды жобалар туралы білмейтінін сынға алып, жағдайды түбегейлі өзгертуді бұйырды.
Мемлекет жастарды жұмыспен қамту, білім беру және оқыту бағытында бірқатар маңызды жобаларды жүзеге асыруда. Алайда сауалнама нәтижелері көрсеткендей, жастардың көпшілігі олар туралы ештеңе білмейді. Бұл жағдайды түбегейлі өзгерту керек.Мемлекет басшысы Қасым-Жомарт Тоқаев
Сондай-ақ мемлекет басшысы кезектен тыс съезде партияның бұған дейін атқарып келген жұмысын сынады.
Тақырып бойынша оқи отырыңыз: