Тергеудің аяқталғанын Алматы Полиция департаменті хабарлады.
Еске сала кетейік, 2021 жылдың шілдесінде БАҚ кәсіпкер Алмас Әбдіғаппаровтың Алматыдағы Esentai City кешеніндегі вилланы сату кезінде 420 миллион теңге жымқырды деген күдікпен ұсталғанын хабарлаған. Кейін ол қамауға алынды.
Алмас Әбдіғаппаровқа қатысты іс AV Construction ЖШС директорының арызы бойынша қозғалған. AV Construction – Алматыда бірнеше жоғары деңгейлі жобаларды жүзеге асырған құрылыс компаниясы. Соның ішінде Esentai City де бар.
AV Construction ЖШС директоры арызында 2021 жылдың наурызында орынбасары Алмас Әбдіғаппаровқа бір сатып алушыдан жылжымайтын мүлік ақшасын алуға сенімхат бергенін жазған. Бұл туралы бұқаралық ақпарат құралдары жазды. Екі аптадан кейін Әбдіғаппаров вилла құнына 840 миллион теңге алғанымен оның жартысы ғана компанияның кассасына түскен.
Жазда активті сату жабылуы керек еді. Бірақ тараптар сатып алушы Әбдіғаппаровқа неліктен 840 миллион бергенін түсінбеген. Компания бұл соманың 50%-ын ғана алған. Салдарынан 17 шілдеде құрылыс компаниясының директоры орынбасарының жауапқа тартылуын талап етіп, Алматы Полиция департаментіне шағым түсірген.
Кәсіпкер ұсталып, қамауға алынғаннан кейін оның жұбайы Ольга Әбдіғаппарова бірнеше баспасөз мәслихатын өткізді. Соның бірінде ол президент Қасым-Жомарт Тоқаевқа жүгінгенін, содан кейін Бас прокуратура істі бақылауға алғанын айтқан еді.
