ҚР Индустрия және инфрақұрылымдық даму министрлігінің мәлімдеуінше, еліміздің аэронавигациялық жүйесі ешбір шектеусіз әуе қозғалысын қабылдай алады.
Ведомство өкілдері әуе кеңістіктерінің жабылуына байланысты Еуропадан Оңтүстік-Шығыс Азия, Үндістан және Парсы шығанағы елдеріне бағытталған транзиттік рейстердің көпшілігі қазір Еуропаның оңтүстік дәліздері арқылы орындалып жатқанын айтты.
Бұл ретте әуе қозғалысы ағынының бір бөлігі Қара теңіз өңірінен Қазақстан аумағына бағытталды. Соңғы тәулікте елдің әуе кеңістігі арқылы бұрын жоспарланбаған 257 рейс орындалды.ҚР ИИДМ баспасөз қызметі
Министрлік өкілдері Республиканың аэронавигациялық жүйесінің өткізу қабілеті ешқандай шектеусіз әуе қозғалысының қосымша көлемін қабылдауға мүмкіндік беретінін атап өтті.
Сондай-ақ, әуе қозғалысын ұйымдастыру бойынша бірқатар арнайы шаралар қарастырылған:
қосымша секторлар ашу;
кезекші ауысымдарды күшейту және азаматтық-әскери үйлестірудің өзара іс-қимылы,
түзетілген және балама бағыттар ұсыну,
Қазақстанның әуеайлақтарына қонатын кемелер үшін әуе кеңістігін пайдалануға рұқсат беруді оңайлату және т. б.
Еуропадан Қытайға және Оңтүстік-Шығыс Азияға бағытталған рейстердің артуы елімізге айына $1,5 млн көлемінде қосымша табыс әкеледі.ҚР ИИДМ баспасөз қызметі