Біз қазақстандық достарымыздың көмек жинау бастамашылары мен еріктілердің Ресейдің әскери агрессиясынан зардап шеккен украин халқына қолдау көрсетуге бағытталған күш-жігерін жоғары бағалаймыз. Елшілік біздің азаматтарымызға қажетті көмекті Қазақстаннан жеткізудің оңтайлы бағыттарын әзірлеу жұмыстарын белсенді түрде жалғастыруда.Украинаның Қазақстан Республикасындағы елшісі Петр Врублевский
Елшіліктің баспасөз қызметі бұл жер үсті арқылы көлікпен жіберілген алғашқы гуманитарлық жүк екенін атап өтті. Қарулы қақтығыс басталғаннан бері Украинаға Қазақстаннан 25 тоннадан астам гуманитарлық көмек жеткізілді. Ол қазірдің өзінде елдің ең мұқтаж аймақтарына бөлінген.
Сурет: Zakon.kz
Украинаға жіберілген әр қорапта екі елдің жалаулары мен «Украина халқына Қазақстан халқынан» мәтін жазылған жапсырма бар.
Кейбіреулері өз үй дәрі қобдишасын ашып, соңғыларын әкелуде. Бұл керемет! Барлық украиндық отбасылар атынан қазақстандықтарға үздіксіз көмек пен қолдау көрсеткендері үшін шын жүректен алғыс айтамыз. Біздің тарихымызда көптеген ортақ беттер бар, соның ішінде қайғылы беттер де бар, бұл екі халық арасындағы тығыз қарым-қатынастардың дамуына қосқан зор үлес. Қазақстан біздің қайғымызды түсінеді, біз оны сезінеміз. Оксана Врублевская