Видео Instagram-дағы пабликтердің бірінде жарияланды.
Қарағанды хайуанаттар бағындағы атмосфераның көңілсіздігі сонша, тіпті балалар да ол жерде болғанына қуанбады. Ғимараттың кафелі түсіп қалады. Бегемот төзгісіз жағдайда өмір сүреді. Мұның бәріне балалар да, үлкендер де мұңая қарайды. Бұл видеоны бүкіл Қазақстан, тіпті (ҚР Президенті Қасым-Жомарт. – Ред.) Тоқаев көруі керек, – деп жазды gres_info парақшасында.
Желі қолданушылары видеоны сынға алып, елдегі хайуанаттар бағын жабуға шақырды.
Қарағанды хайуанаттар бағы видеода бегемот Евгенийдің бассейндегі тақтайшаларды қиратып жатқаны көрсетілгенін хабарлады.
Бегемот Евгений биыл 22 жасқа толады. Ол біздің хайуанаттар бағына екі жасында келді. Оның тұрғылықты жерінің жағдайына келсек, былтыр қысқы-жазғы күтімге арналған жаңа бассейндер салынып, тереңдігі бір метрге, су көлемі 10 текше метрге ұлғайтылды. Бассейн аптасына екі рет тазартылады.Қарағанды хайуанаттар бағының маманы Амин Алин
Хайуанаттар бағының қызметкері бегемот бассейнінің неліктен лас болып тұратынын түсіндірді.
Су – бегемоттардың табиғи мекендейтін орны. Олар өмірінің көп бөлігін сонда өткізеді, сәйкесінше, дәреттіде сонда сындырады. Нәжіс пен зәрді шашу - жеке аумақты белгілеудің өте маңызды әдісі.Әмин Алин
Зообақ маманы сүтқоректінің бассейндегі тақтайшаларды неліктен сындыратынын да түсіндірді.
Жануардың кафельді сындырғанына келсек, келушілер тамақты, түрлі заттарды, пластмассаларды лақтырған кезде жануар қобалжиды. Мұның бәрі жүйке мен агрессияны тудырады. Бегемот жыртқыш және өте қауіпті жануар екенін ұмытпаңыз.Әмин Алин
Қарағанды хайуанаттар бағының қызметкері барлық жануарға тиісті күтім жасалып, көңіл бөлінетінін айтып, сендірді.
Хайуанаттар бағында табиғат пен жан-жануарларды жақсы көретін адамдар жұмыс істейді. Бұл жануарларды табиғи ортасына қайтару мүмкін емес екенін ұмытпауыңызды өтінемін. Өйткені олар тұтқында дүниеге келген. Қызметкерлеріміздің қажырлы еңбегіне құрмет пен түсіністікпен қарауларыңызды сұраймыз.Қарағанды зообағының қызметкері Амин Алин
