Республиканың солтүстігінде, оңтүстігінде, оңтүстік-шығысында жаңбыр жауады, Жамбыл облысының таулы аймақтарында қатты жаңбыр жауады. Республика бойынша жел күшейіп, Қазақстанның оңтүстік-батысында шаңды дауыл тұрады, оңтүстік облыстарда найзағай ойнап, дауыл соғады. «Қазгидромет» РМК
Түркістан облысының таулы, тау бөктеріндегі аймақтарында синоптиктердің болжауынша, найзағай ойнап, бұрқасын болады, жел 15-20 м/с-ке дейін күшейеді.
Жамбыл облысының оңтүстігінде, солтүстік-шығысында, таулы аймақтарда күн күркіреп, бұршақ жаууы мүмкін, таулы аймақтарда жел 15-20 м/с-ке дейін күшейеді.
Күндіз Қызылорда облысының орталығында, оңтүстікте, Маңғыстау облысының орталығында жел 15-20 м/с-ке дейін күшейіп, шаңды дауыл соғады.
Күндіз Солтүстік Қазақстан облысының басым бөлігінде, Қостанай облысының солтүстігінде, Батыс Қазақстан облысының оңтүстік-батысында, батысында, Атырау облысының орталығында, Алматы облысының шығысында жел 15-22 м/с-ке дейін күшейеді.
Батыс Қазақстан облысының оңтүстігінде, солтүстігінде, Ақтөбе, Павлодар облыстарының орталығында өрт қаупі бар.
Нұр-Сұлтанда көшпелі бұлт шығады, жауын-шашынсыз. Оңтүстік-батыстан 2-7 м/с жел соғады. Ауа температурасы түнде +3...+5°С, күндіз +20...+22°С болады.
Алматыда көшпелі бұлт шығады, күндіз жаңбыр жауады, жел соғады. Ауа температурасы түнде +8...+10°С, күндіз +17...+19°С болады.
Шымкентте көшпелі бұлт шығады, түнде және таңертең өткінші жаңбыр жауып, найзағай ойнайды. Шығыстан 8-13 м/с жел соғады. Ауа температурасы түнде +11...+13°С, күндіз +24...+26°С болады.
