Жалынды сөндіруге Шығыс Қазақстан облысының 54 өрт сөндіру бөлімшесі мен сегіз техника, жергілікті атқарушы органдардың сегіз қызметкері мен екі техника, 20 орманшы және ТЖК-нің төрт бірлігі жұмылдырылды. Сонымен қатар «Қазавиапас» АҚ-ның МИ-8 тікұшағы тартылып, оның көмегімен 33 тонна су құйылды.
Сағат 20:50-де өрт 70 гектар аумақта оқшауланды. Өрттің алдын ала себебі – отқа мұқият қарамау.
Өңірдегі өрт сөндіру бөлімшелері тәулігіне шөп өртіне 20-30 рейс жасайды. Негізгі пайызы ашық алаңда, саяжайлар мен тұрғын үй секторында тіркелген. Оған себеп – азаматтардың отқа абайсыз қарауы.Төтенше жағдайлар департаментінің баспасөз қызметі
Өңірде өрттің алдын алу үшін мобильді топтар құрылды. Олардың құрамына құтқарушылар, жергілікті атқарушы органдар, полицейлер кіреді. Қазір «Әкімшілік құқық бұзушылық туралы» ҚР Кодексінің 336-бабы бойынша өрт қауіпсіздігі ережелерін сақтамағаны үшін 18 құқық бұзушы әкімшілік жауапкершілікке тартылды, оның сегізі ескерту түрінде, 10-ы 306 300 теңге мөлшерінде айыппұл салу түріндегі әкімшілік жауапкершілікке тартылды.
Өрт қауіпсіздігі ережесі:
ашық жерде болу, ешбір жағдайда шөпке от жағуға болмайды;
балаларға отпен және сіріңкемен ойнаудың қаупін түсіндіру;
жол жиектерімен жүру кезінде сөндірілмеген темекі тұқылдарын көліктің терезесінен лақтырмау;
өрт анықталған кезде дереу 101 және 112 телефонына хабарласу.
Бағбандарға арналған ұсыныстар:
бір бөшке су немесе өрт сөндіргіш болуы;
ғимараттар мен бұталардан қашықтағы арнайы алаңдарда мангалдарды орнату;
шөптің күйіп кетуіне жол бермеу.
Ауыл шаруашылығы алқаптарындағы құрғақ шөпті өз бетімен күйдіргені, бақылаусыз өртегені, сүрінді өртегені және орман және дала аумақтарында өрт қауіпсіздігі ережесін сақтамағаны үшін ҚР ӘҚБтК-нің 336, 367, 410-баптары бойынша әкімшілік жауапкершілік көзделген.