Референдум – 2022: Алматының 100 жастағы тұрғыны референдумда дауыс берді

Қартайған шағында да белсенділік танытқан Нина Крылова үйден дауыс беруді өтінді, деп хабарлайды Zakon.kz.

Көшпелі сайлау комиссиясы ардагердің өтінішін қанағаттандырды. Ол елдің жарқын болашағы үшін дауыс беретінін айтты.

Сурет: Алматы қаласының әкімдігі

Нина Афанасьевна Орталық майданда шайқасты, Мәскеуді қорғауға қатысты. Соғыс біткен соң тұрмысқа шығып, бір ұл, бір қызды дүниеге әкелді. №81 балабақшада тәрбиеші қызметін атқарды. Әскери наградалардан бөлек, еңбекте те мақтау-мадақтаудан кенде болмады.