Құжатты ҚР Парламенті Мәжілісінің депутаты Дания Еспаева таныстырды. Оның айтуынша, заң жобасының негізгі мақсаты сақтандыру нарығын және бағалы қағаздар нарығын, банк ісін реттеу және дамыту саласындағы заңнаманы жетілдіру, сондай-ақ микроқаржы ұйымдарының микро және шағын бизнесті несиелеудегі әлеуетін кеңейту болып табылады.
Сенат енгізген түзетулер заң жобасының тұжырымдамалық ережелерін өзгертпейді. Барлығы жеті түзету енгізілді, оның алтауы редакциялық-түсіндіру сипатында және бір түзету оны Сенат қабылдаған түзетулерге сәйкес келтіруді көздейтін құқықтық техникаға қатысты. Қазақстан Республикасы Парламенті Мәжілісінің депутаты Дания Еспаева
Осыған байланысты ол «Қазақстан Республикасының кейбір заңнамалық актілеріне заңнаманы реттеу мәселелері бойынша өзгерістер мен толықтырулар енгізу және сақтандыру нарығы мен бағалы қағаздар нарығын, банк ісін дамыту туралы» Қазақстан Республикасы Заңының жобасына Қазақстан Республикасы Парламенті Сенатының енгізетін өзгерістері мен толықтыруларымен келісуді ұсынды.
Мәжіліс депутаттары оны қолдады. Осылайша, құжат тұтастай Парламентте қабылданды деп есептеледі және мемлекет басшысына қол қоюға жіберіледі.
Айта кету керек, заң жобасы жаңа өнімдерді енгізуді, жекелеген талаптарды оңтайландыруды және қызметтерді цифрландыруды, сондай-ақ тұтынушылар мен инвесторларды қорғау сапасын одан әрі арттырудың қосымша тетіктерін қарастырады. Атап айтқанда, сенаторлар жол-көлік оқиғасы кезіндегі сақтандыру жағдайын реттеудің оңайлатылған тәртібін енгізуді ұсынды.
Сондай-ақ олар сақтандыру омбудсменінің барлық сақтандыру даулары бойынша міндетті сотқа дейінгі реттеу тәжірибесін енгізу қажеттігін атап өтті.
Құжатты Сенатта таныстырған Қазақстан Республикасы Қаржы нарығын реттеу және дамыту агенттігінің төрағасы Мәдина Әбілқасымова заң жобасында өмірді сақтандырудың жаңа әлеуметтік маңызды өнімдерін енгізу ұсынылып отырғанын айтты: өмірді сақтандыру аясында эндаументтік өмірді сақтандыру.
Мемлекеттік білім беру жинақтау жүйесі және бірлескен (ерлі-зайыптылық) зейнетақы аннуитеті. Соңғысы зейнеткерлік аннуитет сатып алу үшін ерлі-зайыптылардың немесе жақын туыстарының зейнетақы жинақтарын біріктіруге мүмкіндік береді. Егер ерлі-зайыптылардың бірінде зейнетақы аннуитетін сатып алуға жеткілікті зейнетақы жинақтары болмаса, ал екіншісінде артық болса, онда бірлескен зейнетақы аннуитеті екеуіне де өмір бойы жәрдемақы алуға мүмкіндік береді.
